3 PANG GINTO KAY DE LOS SANTOS SA VIRTUAL KATA

AYAW paawat si Filipino karateka James De Los Santos sa pagkolekta ng gold medals sa gitna ng community quarantine dulot ng COVID-19 pandemic.

Ang world no. 2 sa virtual kata rankings ay nagdagdag ng tatlo pang ginto sa e-tournaments para sa kabuuang 8 gold medals.

Noong Linggo, si De Los Santos ay nanalo laban kay Matias Moreno Domont ng Switzerland sa finals ng Champion Trophy World Series para sa kanyang ika-6 na titulo.

Nagtala siya ng dalawa pang panalo ng sumunod na araw sa pagpapatuloy ng kanyang paghahabol para sa world no. 1.

Tinalo ni De Los Santos sina Alfredo Bustamante ng United States sa Dutch Open E-Tournament at Murilo Alves of Brazil sa Miyamoto Musashi – Five Rings E-Tournament upang kunin ang kanyang ika-7 at ika-8 gold medals.