3 PANG PINOY SA ABROAD POSITIVE SA COVID

TATLONG  overseas Filipino (OF) ang iniulat na nagpositibo sa  COVID-19 sa ibang bansa.

Sa datos ng Department of Foreign Affairs (DFA) hanggang Pebrero 2, nasa 13,963 na ang mga kumpirmadong positibo sa COVID-19 na Filipino mula sa 85 na bansa at rehiyon.

Sa nasabing bilang, 4,092 ang patuloy na nagpapagamot sa iba’t ibang ospital.

Wala iniulat na bagong gumaling  kaya nanatili sa  8,919 ang overseas Filipinos na naka-recover sa nakakahawang sakit o na-discharge na sa ospital.

Dalawa  ang bagong napaulat na nasawi kaya  952 na ang COVID-19 related deaths sa mga Filipino  sa ibayong dagat.

Pinakamarami pa ring naitalang  COVID-19 positive na  OF sa bahagi ng Middle East at Africa na may 7,881 na kaso.

Sumunod  ang Europa na may 2,473 mga kaso.

Nasa 836  ang kaso sa America at 2,773 sa Asia Pacific Region.

Tiniyak ng DFA na sa pamamagitan ng Foreign Service Posts, tututukan ang lagay ng mga OF sa ibang bansa at handang umasiste sa mga Filipino na apektado ng COVID-19 pandemic.