MASBATE – TATLO sa apat na presong tumakas sa Masbate Sub-Provincial Jail ang nabaril at napatay ng PNP Trackers and Recovery team sa bayan ng Milagros.
Ayon sa PNP-Police Regional Office V, pinaputukan ng apat na pugante ang mga tumutugis na pulis nitong Miyerkoles.
Isa sa mga preso ang nagawang makatakas sa gitna ng putukan at target ng manhunt operations.
Lumilitaw na nadiskubre lamang ang pagpuga ng apat nang magsagawa ng headcount ang mga jail guard .
Narekober sa pinangyarihan ang isang 12 gauge homemade shotgun na may magazine at may kargang tatlong live ammunition at isang one fired cartridge.
Gayunpaman, patuloy ang imbestigasyon kung paano nakatakas ang mga preso habang inaalam kung may kasabwat o may pananagutan ang mga jail guard na naka-duty. VERLIN RUIZ
Comments are closed.