3 TAONG KONTRATA KAY STANDHARDINGER

SA PAGPIRMA sa tatlong taong kontrata ni Christian Standhardinger sa Brgy Ginebra ay siguradong titigil na ang ilang teams sa Japan B. League sa pangungulit sa Fil-German player para makuha ito.

Ang magandang balita ay nakapag-adjust na si Christian sa triangle system ni coach Tim Cone sa team. Malaking tulong sa kanya ang pagdating ng kanilang import na si Justine Brownlee. Nakakapag-assist sa kanya at nakakatulong nito sa loob ng hardcourt.

Sayang nga lang at tigil muna ang PBA Governors’ Cup dahil sa paglobo  na naman ng kaso ng COVID-19. Nasa Alert Level 3 ang NCR kaya ipinag-utos agad ng IATF na wala munang contact sports kasama na rito ang basketball.

Sana nga hanggang Jan. 15 lang ang suspension ng games, kung hindi ay posiblebg magkaroon muli ng bubble games ang PBA  upang makapag-resume ng laro  Ang tanong, kung sakali, saan kaya dadalhin ang bubble game lalo na’t kapos sa budget ang liga sa ngayon.

vvv

Dumating na sa bansa si Fil-Am player Chris Ross mula sa Amerika. Namatayan kasi ng mahal sa buhay si Ross kaya hindi ito agad nakauwi ng Pinas. Ayaw pa sana niyang umuwi dahil nagluulksa pa ang kanilang pamilya. Kung hindi nga lang kailangan na siya ng San Miguel ay magtatagal pa siya roon.

Kasalukuyang naka-quarantine si Ross. Kapag natapos na ang kanyang quarantine ay sabak agad siya sa practice ng kanyang koponan.

vvv

Matatapos na ang kontrata ni Chris Bachero sa Phoenix Super LPG Fuel Masters sa katapusan ng buwan. Kapag natapos na ang kontrata ay malalagay na siya sa unrestricted free agent. Puwede nang mamili si Bachero kung saang team  niya nais maglaro.

Gaano kaya katotoo na nakaabang sa kanya ang San Miguel Beer at Brgy Ginebra? Ang dalawang sister teams ay kapwa  kailangan ng legitimate pont guard lalo na ngayon na wala si Stanley Pringle ng Gin Kings. Halos walong buwan itong mawawala sa PBA dahil sa kanyang knee injury na kamakailan ay inoperahan.

Let’s wait and see kung sino ang winner kay Bachero. Beermen  o Gin Kings?