ARESTADO ang dalawang lalaki at isang babae nang makumpiskahan ng halos P.7M halaga ng shabu at baril sa ikinasang buy-bust operation sa Caloocan City.
Bandang alas-2:30 kamakalawa ng madaling araw nang masakote sa Tupada St., corner Julian Felipe St., Brgy.8, Caloocan City ang mga suspek na sina Marlou Sidillo, 29-anyos; Resty Macalansag, 38-anyos at Jasmin Tayao, 31-anyos.
Aabot sa 100 gramo ang kabuuang timbang ng nakumpiskang shabu sa mga nasabing operasyon na may halagang P680,000.
Bukod shabu ay nakumpiskahan din ng isang Caliber 25 pistol na may serial number na 4323051 at kargado ng magasin na may lamang dalawang bala ang mga suspek.
Kasalukuyang nakakulong ang mga suspek sa Caloocan detention cell. VICK TANES