BULACAN – ARESTADO ang tatlong lalaki na pawang nasa watchlist ng Philippine Drug Enforcement Agency (PDEA) sa buy bust operation ng mga pulis sa Brgy, Santol, Balagtas.
Sa report na ipinadala ni Acting Provincial Director P/Col. Lawrence Cajipe kay PNP Regional Director, PBGen. Rhodel Sermonia, alas-9:50 ng gabi nang masukol ang mga suspek na nakilalang sina John Carlo Villanobos, 23, ng 55 Rodriguez St., New Kalalae, Olongapo City; Renie Boy Cahanding ng Calapacuan, Subic, Zambales; at Ely Buenaventura ng Wawandue, Subic, Zambales.
Nagpanggap na buyer ang isa sa mga pulis na nagresulta sa pagkakadakip ng tatlo.
Narekober mula sa kanila ang isang weighing scale, 2 malaking plastic ng shabu na binalutan ng packaging tape, at isang sports utility vehicle na kulay silver gray na may plakang RMU 731 na gamit sa pagbibiyahe ng shabu.
Samantala, detenido ngayon ang mga suspek sa Balagtas Municipal Jail sa kasong paglabag sa RA 9165. THONY ARCENAL
Comments are closed.