MAHIGIT P.4 milyon halaga ng shabu ang nasamsam sa tatlong bagong indentified drug personalities, kabilang ang dalawang teenagers matapos malambat sa isinagawang buy bust operation sa Malabon City, Sabado ng gabi.
Kinilala ni Malabon police chief Col. Albert Barot ang naarestong mga suspek John Marcos Valentin alyas “Labo”, 18-anyos, Student; Allen Santos, 34-anyos at Rodolfo Delabajan Jr alays JR, 18-anyos, pawang residente ng Navotas City.
Ayon kay Col. Barot, dakong alas-9:50 ng gabi nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni Lt. Alexander Dela Cruz ng buy bust operation, kasama ang mga tauhan ng Sub Station 2 sa Dr. Lascano St., Brgy. Tugatog matapos ang natanggap na impormasyon na nagbebenta umano ng iligal na droga ang mga suspek.
Nagawang makipagtransaksyon ng isang pulis na umakto bilang poseur buyer sa mga suspek ng P1,000 halaga ng droga at nang matapos ang transaksyon ay agad silang dinamba ng mga operatiba.
Nang kapkapan, nakumpiska sa mga suspek ang umaabot sa 60 gramslo ng shabu na may standard drug price P408,000 at marked money.
Ani SSg Jerry Basungit, nahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. EVELYN GARCIA