TIKLO ang tatlong tulak sa 27.4 gramo ng shabu sa ikinasang buy bust operation ng Eastern Police District (EPD) drug enforcement unit sa Pasig City.
Kinilala ni EPD-district director P/BGen. Orlando Yebra Jr., ang mga naaresto na sina Sonny del Rosario, 27-anyos ng Blk-34 Lot-64, Sto. Nino St.; Edmund Dechoso, 45-anyos ,Gasoline boy at Jetson Clemente y Anduyan, 36-anyos, IT (BPO) na kapwa taga Brgy., Pinagbuhatan sa nasabing lungsod.
Nabatid na dakong alas-4:30 kamakalawa ng hapon nang nadakip nina PMaj. Darwin Guererro ang mga suspek sa bahay ni del Rosario.
Nakumpiska sa mga ito ang ilang heat sealed transparent plastic sachets na naglalaman ng shabu na may bigat na 27.4 gramo at nagkakahalaga ng P186, 320.00 at iba’t-ibang shabu paraphernalias kabilang ang buy bust money.
Agad dinala ng Drug Enforcement Unit sa Rizal Medical Center ang mga suspek para sa medical examination na nakatakdang imbestigahan at sampahan ng kasong paglabag sa RA9165 section 5 and 11 ng article ll. ELMA MORALES