NUEVA ECIJA – NADAKIP na ng mga operatiba ng San Jose City Police at ng 2nd mobile Group ang tatlong kalalakihan sa magkahiwa-lay na buy bust operation sa Brgy. Abar 1st at Brgy. Crisanto Sanchez.
Sa report na ipinadala ni Supt. Heryl L. Bruno, kinilala ang mga nadakip na suspek na sina Norberto Ogena, Jalbuena Raymundo Jr., kapuwa nasa hustong gulang residente ng Brgy. Abar 1st at Jerome Paulino ng Brgy. Crisanto Sanchez.
Nabatid na matagal nang under surveillance ang mga suspek na kilalang tulak ng marijuana sa lugar.
Nakumpiska mula sa mga suspek ang 9 na plastic sachet ng pinatuyong dahon ng marijuana at mark money.
Samantala detenido ang mga suspek sa San Jose City Jail. THONY ARCENAL
Comments are closed.