KULUNGAN ang kinahantungan ng tatlong hinihinalang drug personalities kabilang ang isang bebot matapos makumpiskahan ng higit sa P259,800 halaga ng shabu sa magkahiwalay na buy bust operation ng pulisya sa Navotas City.
Sa report ni Navotas police chief Col. Dexter Ollaging kay Northern Police District (NPD) Director P/BGen. Nelson Bondoc, dakong alas- 4:10 ng madaling araw nang magsagawa ng buy-bust operation ang mga operatiba ng Station Drug Enforcement Unit (SDEU) sa pangunguna ni PLT Genere Sanchez sa V. Cruz St., Brgy. Tangos North.
Nagawang makabili ng isang pulis na nagpanggap na buyer ng P300 halaga ng shabu sa kanilang target na si Geraldine Patigdas alyas “Nadine”, 28-anyos at nang tanggapin ng suspek ang marked money kapalit ng isang sachet ng shabu ay agad siyang at kasamahan nito na si Marlon Jorge, 38-anyos.
Nakumpiska sa mga suspek ang nasa 27 gramo ng hinihinalang shabu na tinatayang nasa P183,600 ang halaga, buy bust money, at P200 cash.
Nauna rito, bandang ala-1:50 ng madaling araw nang matimbog din ng mga operatiba ng SDEU si Francisco Glen Laigo alyas “Bubwit”, 35-anyos matapos bentahan ng P400 halaga ng shabu ang isang pulis na nagpanggap na buyer sa buy-bust operation sa Baron St., Brgy. NBBN.
Nakumpiska sa suspek ang nasa 11.5 gramo ng hinihinalang shabu na tinayang nasa P78,200 ang halaga, at buy bust money. EVELYN GARCIA
Comments are closed.