3 TULAK TIMBOG SA P129K SHABU

PILIPINO Mirror

ARESTADO ang tatlo katao matapos makuhanan ng mahigit P129K halaga ng shabu sa isinagawang buy-bust operation sa Malabon City kamakalawa.

Kinilala ni Malabon police chief Col. Albert Barot ang naarestong mga suspek na sina Carlo Alejandro alyas Tulong, 23-anyos; Silver Maco, 34-anyos at Joselito Santos, 42-anyos, pawang mga residente ng Caloocan city.

Bandang alas-10 kamakalawa ng gabi nang magsagawa ang mga operatiba ng Malabon Police Station Drug Enforcement Unit (SDEU) ng buy bust operation sa P. Aquino, Brgy. Tonsuya kung saan isang pulis na nagpanggap na buyer ang nagawang makipagtransaksyon kay Alejandro at Maco ng P500 halaga ng shabu.

Matapos matanggap ang pre-arranged signal mula sa poseur-buyer, agad sumugod ang back-up na mga operatiba saka sinunggaban si Alejandro at Maco, kasama si Santos makaraang makuhanan ng isang plastic sachet ng shabu.

Nakumpiska sa mga suspek ang humigit-kumulang sa 19 gramo ng shabu na may standard drug price P129,200 at buy bust money.

Nahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. VICK TANES

Related posts:

No related posts.

31 thoughts on “3 TULAK TIMBOG SA P129K SHABU”

Comments are closed.