LABIS na pighati ang nararanasan ngayon ng kaanak ng 30-anyos na lalaki na nasagasaan ng truck sa Pamplona, Camarines Sur.
Sa sketchy report, kinilala ang biktima na si Donald Rey Vargas, ng Ragay sa nasabing lalawigan.
Sinabi ni Capt. Antonio Per ng Pamplona Municipal Police Station, habang nagbabiyahe papunta sa Legazpi mula sa Calamba, Laguna ang truck na minamaneho ni Wilson Jolo, 36, residente ng Malinao Ibaba, Atimonan nang mag-overtake umano si Vargas gamit ang motorsiklo nito kung saan dito na nito nakabanggaan ang nasabing truck.
Dagdag pa ni Per, napag-alaman na dahil dito tuluyan ng nawalan ng kontrol si Vargas sa kanyang minamanehong motorsiklo hanggang sa sumemplang ito at masagasaan pa ng truck.
Dahil sa matinding sugat na natamo ng biktima ay binawian ito ng buhay.
Sa ngayon, nagpapatuloy ang isinasagawang imbestigasyon ng mga awtoridad hinggil sa nasabing insidente.
Comments are closed.