MAYNILA – LIGTAS ang 21 seamen na lulan ng pinasabog na barko sa Persian Gulf, ayon sa ulat ng Department of Labor and Em-ployment (DOLE).
Ang mga Filipino ay crew ng Japan-operated “Kokuka Courageous” na napaulat na pinasabugan habang naglalayag sa Persian Gulf.
Sa nakalap na ulat ng Philippine Overseas Employment Administration (POEA) at maging ng Overseas Workers Welfare Administration (OWWA), nakalayo ang mga tripulante sa sumabog na barko.
Naisalba rin agad sila ng USS Bainbridge, isang barko ng U.S, na nagkataong naglalayag sa international waters.
Sa ipinadalang mensahe ni Lt. Col. Earl Brown, naglalayag sila malapit sa kinaroroonan ng Courageous nang makatanggap ito ng distress call bandang alas-6 ng umaga na kanila namang agad na nirespondehan.
Nakatanggap din umano ang Naval Forces Central Command ng distress call mula sa MV Front Altair.
Kinumpira ng shipping company na namamahala sa nasabing barko na ligtas ang lahat ng sakay nito na 11 Filipino at 11 Georgian.
Hinala ng United States, posibleng Iran ang nasa likod ng pagpapasabog sa dalawang oil tankers sa Persian Gulf.
Sa kuha umano ng Navy P-8 surveillance plane ay makikita sa video ang papalayong patrol boat ng Islamic Revolutionary Guards sa “Kokuka Courageous”, isa sa dalawang barko na sumabog na pagmamay-ari ng bansang Japan.
Nakita rin sa nasabing ebidensiya na tila may tinatanggal ang mga ito na pinaniniwalaang limpet mine na ginamit umano bilang pampasabog.
Una na rito ang ulat na pagsabog ng dalawang tanker na nadikitan ng magnetic mine. VERLIN RUIZ
Related posts:
OFWs TODO INGAT VS SANDSTORM
OFW WAGI SA DANCE COMPETITION
OFWs MGA PINOY SA ISRAEL PINAG-IINGAT VS KILOS PROTESTA
SKILLED AT PROFESSIONAL OFWs SA KUWAIT ‘DI NA OBLIGADONG UMUWI
LABI NG OFW NA NATAGPUAN SA SEPTIC TANK IUUWI NA
36-ANYOS NA OFW PATAY SA SLOVAKIA SA PAGTATANGGOL SA 2 BABAE
HUSTISYA SIGAW NG PAMILYA NG OFW NA NAHULOG SA GUSALI SA LEBANON
LABI NG NAPATAY NA OFW SA SLOVAKIA NAIUWI NA
Comments are closed.