AABOT sa mahigit sa 32,000 na mga may-ari ng delingkuwenteng sasakyan at motorsiklo ang nagparehistro ng kanilang mga sasakyan sa Land Transportation Office-National Capital Region (LTO-NCR) simula nitong Enero 1 hanggang 23.
Ayon kay LTO-NCR Regional Director Roque “Rox” I. Verzosa III, nasa kabuuang 11,745 sasakyan at 20,625 motorsiklo na hindi rehistrado ang naiparehistro hanggang nitong Martes.
Aniya, bunga ito ng mga operasyon ng mga tauhan mula sa regional at district law enforcement ng LTO-NCR sa ilalim ng pamumuno ni Verzosa, kasama si Assistant Regional Director Hansley “Hanz” H. Lim.
Naunang iniutos ni LTO chief Asec. Atty. Vigor Mendoza II sa mga regional office ng LTO na masusing ipatupad ang patakaran ng “Walang rehistro, walang biyahe.”
Binanggit nito, hanggang Nobyembre, 2023, mayroong 24.7 milyong delingkwenteng sasakyan na pag-aari ng mga indibidwal na hindi pumasa o sadyang tumanggi na magparehistro ng kanilang mga sasakyan.
Ayon sa talaan ng LTO, ang karamihan sa mga delingkwenteng sasakyan ay mga motorsiklo.
PAULA ANTOLIN
Related posts:
(Tutugisin ng LTO) NAMIMILING TAXI DRIVERS, COLORUM PUVs
(Mahigpit na ipatutupad ngayong 2024) NO REGISTRATION, NO TRAVEL
(Sa kawalan ng plastic cards para sa driver’s license)KULANG SA DISKARTE, ‘DI SA PONDO
(Ibinabala sa mga motorista) LICENSE PLATE SCAMMERS
(Ngayong Christmas season) ‘NO REGISTRATION, NO TRAVEL’ POLICY LULUWAGAN
4M DRIVER’S LICENSE CARDS IPAMAMAHAGI SA 2024
OVERLOADED TRUCKS, TRAILERS TUTUGISIN
(Ayon sa LTFRB) 1,948 RUTA WALA PANG CONSOLIDATED JEEPNEYS, UV EXPRESS