PINA-DEPORT ng Bureau of Immigration (BI) ang 34 illegal dayuhan na unang naaresto sa magkakahiwalay na operasyon sa mga kumpanyang hinihinalang sangkot sa operasyon ng Philippine Offshore Gaming Operator (POGO).
Naaresto ang mga indibidwal sa mga kumpanyang Royal Corporation Xisheng IT, Lucky South 99 Outsourcing, at Royal Park, at nahaharap sila sa mga kasong undocumented, overstaying, working without proper visas or permits, at working for companies other than their petitioners.
Ang mga naarestong mga Chinese national ay dating nasa kustodiya ng Presidential Anti-Organized Crime Commission (PAOCC) facility matapos silang naaresto na illegal na nagtatrabaho sa gaming operations.
“This deportation is a testament to the Bureau’s resolve in enforcing our immigration laws. We will continue to pursue operations like this to protect the country’s sovereignty and uphold the dignity of those victimized by these schemes,” ayon kay BI Commissioner Joel Anthony Viado.
Ang mga pina-deport ay nasa listahan na rin ng BI blacklist at hindi na sila pinapayagan pang muling makapasok ng bansa.
PAUL ROLDAN
Related posts:
70 CHINESE IDINEPORT NA
KINAROROONAN NI ROQUE TINUTUTUKAN NG PNP
(Walang extension para sa deadline sa Oktubre 15) POGO WORKERS HINIMOK SA VOLUNTARY VISA DOWNGRADING
REPORMA AT DIGITALIZATION TUTUTUKAN NG BAGONG BI CHIEF
2 WANTED SA PANGGOGOYO, TIMBOG SA BI
DEPORTATION CASE NI SHIELA GUO TAPUSIN NGAYONG OKTUBRE
GODFATHER NG POGO, 18 IBA PA NALAMBAT
7 HUMAN TRAFFICKING VICTIMS PINABALIK SA BANSA