348 OFWS MULA UAE NAKAUWI NA

NASA 348 overseas Filipino workers (OFWs) mula Dubai at Abu Dhabi ang nakauwi na.

Ito na ang fourth batch ng repatriation magmula nang ipatupad ang travel restrictions noong nakaraang buwan sa pitong bansa, kabilang ang United Arab Emirates (UAE).

Ayon sa report sa Department of Labor and Employment (DOLE) ng Overseas Workers Welfare Administration (OWWA) at ng Philippine Overseas Labor Office (POLO) sa Dubai, ang repatriates ay umalis sa UAE noong Sabado at dumating sa Ninoy Aquino International Airport (NAIA) kahapon ng umaga via Philippine Airlines.

Sinagot ng OWWA ang gastos sa chartered flight habang ang repatriation ay prinoseso sa pakikipag-ugnayan sa Philippine Consulate General sa Dubai.

Nasa 2,000 OFWs at kanilang mga pamilya mula sa emirates ang target na mapauwi sa bansa.

Ang unang tatlong batches ng repatriation ay pinangunahan ng Department of Foreign Affairs (DFA).

Apat pang DOLE-OWWA repatriation flights ang nakatakda sa Hulyo 12, 17, 27 at 30.

Ang mga repatriate ay kinabibilangan ng 67 pregnant OFWs, 30 na may medical cases, 6 na nanirahan sa Bahay Kalinga sa Dubai, at dalawa sa Bahay Kalinga sa Abu Dhabi.

Ang iba pa sa umuwing OFWs ay yaong ang flights ay nakansela o overstayed.

Ang repatriated OFWs ay sasailalim sa quarantine at dadalhin sa kanilang hometowns sa sandaling magnegatibo sa COVIDi-19.

Sasagutin ng OWWA ang hotel accommodation at pagkain habang hinihintay ng OFWs ang kanilang test results.

Related posts:

382 PANG OFWS NAKAUWI NA MULA UAE STRANDED NA OFWS SA UAE BALIK-PINAS NA ($2.992-B noong Hulyo) OFW CASH REMITTANCES TUMAAS PA (Dahil sa COVID-19 crisis) REMITTANCES NG OFWs APEKTADO REMITTANCES NG OFWs BUBULUSOK DAHIL SA COVID-19 PANDEMIC CHARTERED FLIGHT NG OFWs SA BEIRUT PUNO NA 342 OFWs MULA UAE NAKAUWI NA PH FOOD PRODUCTS PATOK SA UAE