CAUAYAN CITY-Pumatok sa mga residente ang Christmas lighting ng 35-foot na Krismas Tri at iba pang decors sa open area na Green Park sa SM mall dito kamakalawa.
Nagmistulang maliit na Christmas village ang lugar na kinagiliwang pagpicture-an ng mga bata at matatanda lalo pa at environment-friendly ang lugar dahil sa mga puno at nasa labas.
Maliban sa higanteng Krismas Tri, patok rin ang mga maliliit na decors at trees, reindeer, Santa Claus, higanteng mga regalo at iba pa.
Nakabibighani ang mga kulay ginto, pula at puti na mga palamuti maliban sa mga ilaw na nagpapatingkad sa lugar.
Sinaliwan rin ito ng kanta ng isang lokal na mang-aawit sa lugar at naging instant na palaruan ng mga batang tuwang-tuwa.#
Instagrammable ang Krismas village na bagong centerpiece sa SM Cauayan City na pinailawan kamakalawa.
Hannah Visaya