36 SUGATAN NANG MABANGGA ANG PAMPASAHERONG BARKO SA PANTALAN

PILIPINO Mirror

ZAMBOANGA CITY- SUGATAN ang 36 na mga pasahero nang mabangga ng isang pampasaherong barko ang pantalan sa lalawigang ito.

Agad namang nirespondehan ng Phi­lippine Coast Guard (PCG) ang insidente na kinasangkutan ng MV Ciara Joie 2 sa karagatang sakop ng Pasio Del Mar, Zamboanga City.

Ang MV Ciara Joie 2 na may kapasidad na 266 pasahero ay nakaranas ng main engine shutdown at nawalan ng kontrol sa crew.

Ayon sa PCG, tumama ang barko sa pantalan habang dumadaong sa B27 B Paniran Marginal Wharf na kalaunan ay pinasok na ng tubig dagat ang barko.

May kabuuang 36 na pasahero ang nasugatan kung saan dalawa sa kanila ang dinala sa pinakamalapit na ospital para malapatan ng lunas.

Umalis ang barko sa Isabela City, Basilan patungong Zamboanga City nang mangyari ang insidente.

Ayon sa Coast Guard Station (CGS) Zamboanga, naghain ng marine protest ang master ng distressed vessel.

“It will not resume vo­yage until deemed seaworthy, as supported by MARINA’s certificate of seaworthiness,” sabi ni CGS Zamboanga.

EVELYN GARCIA

Related posts:

PCGALERTO NG PCG MAY EXTENSION, PANTALAN DAGSA NG BIYAHERO Stranded(Apela ng mga naistranded sa PCG) PAUWIIN N’YO NA KAMI! KAUNA-UNAHANG MADRASAH GRADUATION NG BJMP IDINAOS RESCUE OPERATION NG PCG PARA SA 4 NA NAWAWALA SA LUMUBOG NA FISHING VESSEL 2 TULAK TIKLO SA P34-M SHABU 2 HVI ARESTADO SA P13.6-M SHABU PASSENGER VESSEL SUMADSAD: 168 SAKAY NA-RESCUE (Natakasan ng 7 preso) ZAMBO PDEA CHIEF, 11 PA SINIBAK SA PUWESTO