37 NANAY NA INMATES SINORPRESA SA MOTHER’S DAY

SANTIAGO CITY- NASORPRESA ang may 37 mga Nanay na nakakulong sa BJMP ng nasabing lungsod matapos na dalawin ng mga miyembro All Women City Mobile Force Company (AWCMFC) na pinamumunuan ni Lt. Ednalyn Pamor, Force Commander sa pagdiriwang ng Mother’s Day nitong Linggo kung saan ay namigay sila ng mga bulaklak.

Bukod sa bulaklak, namigay din sila ng hygiene kits tulad ng toothpaste toothbrush at mga foodfack na labis ang kaligayahan na nadarama ng mga inang nakakulong sa piitan, napaluha ang mga ito dahil ngayon lang umano nila naranasan ang ganitong pagkakataon.

Gayundin, bilang bahagi ng pagdiriwang ng Mo­ther’s Day, namigay din ang mga ito bulaklak sa mga nanay na nagtitinda sa pamilihang ng Santiago City, Isabela.

Ayon naman sa grupo ng AWCMFC, natutuwa naman sila bagaman maliit na halaga lamang ang kanilang naipamahagi sa mga nanay sa araw ng Mother’s Day ay mayroon nagsabi na ito ang unang pagkakataon na nakatanggap sila ng mga bulaklak at hindi pa galing sa mga kanilang mga asawa.

Namigay din sila ng mga balloon at bulaklak sa mga dumaraan sa kanilang mga checkpoints sakop ng lungsod ng Santiago.

Ipinahayag pa ni Pamor, matapos ang nasabing aktibidad ay nagkaroon din ng kaunting salo-salo sa kanilang himpilan bilang pagdiriwang ng Mother’s Day kahit malayo sila sa kani-kanilang pamilya, habang pinaiiral din nila ang social distancing at sinunod ang health protocol ng kanilang himpilan sa kanilang isinagawang aktibidad. IRENE GONZALES