PATULOY ang pagtaas ng mga kaso ng coronavirus disease o COVID-19 sa Pilipinas.
Sa huling datos ng Department of Health (DOH) Biyernes ng hapon (Enero 14), 37,207 ang naitalang bagong kaso sa loob ng isang araw. Ito ay highest single-day tally sa bansa.
Dahil dito, pumalo na sa 3,129,512 ang confirmed cases ng nakakahawang sakit sa bansa.
Sa nasabing bilang, 265,509 o 8.5 porsiyento ang aktibong kaso.
8,325 rito ang asymptomatic o walang sintomas, 252,502 ang nakararanas ng mild symptoms, 2,913 ang moderate, 1,469 ang severe, habang 300 naman ang nasa kritikal na kondisyon.
Iniulat na nasa 81 naman ang nasawi kaya umakyat na sa 52,815 o 1.69 porsiyento ang COVID-19 related deaths sa bansa.
Ayon pa sa DOH, 9,027 naman ang gumaling pa sa COVID-19.
Dahil dito, umakyat na sa 2,811,188 o 89.8 porsyento ang total recoveries ng COVID-19 sa Pilipinas.
