3,724 PINOY SA UAE NAKAUWI NA

UMABOT na sa 3,724 Pinoy sa  United Arab Emirates (UAE) ang nakauwi na ng bansa kung saan 374 ang mga bagong dumating nitong Sabado sa Ninoy Aquino International Airport (NAIA).

Sa  tala ng Department Foreign Affairs (DFA), ang 374 Pinoy workers mula sa UAE ay sakay ng chartered flight sa tulong ng ahensiya.

“We recognize the efforts of the men and women in our Posts overseas and at the Home Office, as we see in the increased number of the total number of Filipinos repatriated in July. We also recognize the assistance of other government agencies who work closely with us in this repatriation process,” ayon kay  Undersecretary Sarah Lou Y. Arriola.

Sinabi ni Arriola na marami pang mga Pinoy mula sa UAE ang  nakatakdang umuwi sa bansa sa  katapusan ng Agosto.

Ang iba sa kanila ay naistranded dahil sa pandemya habang ang iba naman ay pawang mga distressed.

Ang bawat isa sa kanila ay makatatanggap ng $200 bilang ayuda ng DFA at sasailalim din sila sa mandatory 14-day facility-based quarantine.

Ang DFA chartered repatriation flights ay bahagi ng programa ng ahensiya para sa mga Pinoy worker na nais nang makabalik sa bansa. LIZA SORIANO

Related posts:

(Ayon sa SWS survey) 29% NG MGA PINOY GUMANDA ANG BUHAY (Demand sa Canada, UAE mataas) PH NURSE DEPLOYMENT PUMALO NA SA 4K (Ayon sa pag-aaral) 20M PINOY ‘INTERNET POOR’ (Iginiit sa Senado) GOBYERNO DAPAT MANGUNA SA PAGBILI NG LOCAL PRODUCTS SARILING ATIN, ATING TANGKILIKIN (Sa 2nd quarter ng 2023) BUSINESS CONFIDENCE TUMAAS 2 PINOY SA UAE NAISALBA SA DEATH ROW (Alert status binabaan) PINOY WORKERS BALIK-MYANMAR