38 BAGONG KASO NG COVID-19 SA EASTERN VISAYAS

HINDI pa rin humuhupa ang hawahan ng COVID-19 sa Eastern Visayas makaraang maitala ang dagdag na 38 pang bagong kaso nito.

Hanggang kahapon, Agosto 31, aa inilabas na datos ng Eastern Visayas – Center for Health and Development sumampa na sa 41,039 ang kabuuang kaso ng COVID-19 sa rehiyon.

Sa nasabing bilang, 1,418 ang active cases at 39,165 naman ang gumaling.

Nasa 456 naman ang kabuuang bilang ng mga pumanaw, makaraang apat pa ang masawi.

Ang 38 na bagong kaso na nadagdag at mula sa sumusunod na mga lalawigan at lungsod:

Leyte (15)
Samar (14)
Tacloban City (3)
Southern Leyte (3)
Eastern Samar (3)

Muling itinaas sa “high” ang average daily attack rate sa Tacloban City at Southern Leyte.
Habang nasa medium naman ang average daily attack rate sa Ormoc City, Leyte, Samar, Northern Samar, Eastern Samar, at Biliran.