BULACAN– KULONG ang apat na drug suspects sa anti-illegal drugs operation sa siyudad ng Meycauayan.
Sa report ni Acting PNP Provincial Director P/Col. Emma Libunao kay PRO- 3 Regional Director, BGen. Rhodel Sermoniam kinilala ang nadakip na sina Jimbeam Palos, 34-anyos, Jhon Mark Hale Castillo, 22- anyos, tubong Bongabon, Nueva Ecija.
Nadakip ang dalawa ganap na alas-3:45 ng hapon sa Brgy, Camalig, Meycauayan City habang nasa pot session sa loob ng nakaparadang kotse.
Arestado rin ang dalawa pang kasama nito na huli sa akto habang sumisinghot ng ipinagbabawal na droga.
Kinilala ang mga naaresto na sina Rolando Aguilar Milan Jr. alyas Magic, 38 ng Brgy. Loma de Gato, at Salvador Dioscoro Agbay Bañas alyas Jun, 40 anyos ng Brgy. Sta. Rosa 2, Marilao.
Nakumpiska sa kanila ang pitong plastic sachet ng hinihinalang shabu at paraphernalia at isang tea bag ng marijuana kabilang ang kulay puting kotse na may plakang TEY-296. THONY ARCENAL/M. RAGUDOS
Comments are closed.