BUMAGSAK sa rehas na bakal ang apat katao nang nakumpiskahan ng 22 gramo ng shabu sa isinagawang anti-illegal drugs operation sa Concepcion-Uno Marikina City.
Kinilala ang mga nadakip na sina Jonny Yap, 50-anyos; Nicodemus Eugenio; John Resoso, 22-anyos at Rose Mary Ann Inamac alyas Nene, 32-anyos, kapwa mga nakatira sa No. 105 Bantayog St., Brgy., Concepcion – Uno.
Nabatid na dakong alas-8:10 ng gabi nang maaresto ng operatiba ang mga suspek sa nabanggit na lugar.
Pinagbentahan umano nito ang isa sa operatiba at sakto na palitan ng buy bust money at epektos ay agad na sinunggaban ang mga suspek.
Nakuha sa mga ito ang 7 transparent plastic sachet na may bigat na 0.22 gram0 at nagkakahalaga ng P149, 600.00, isang kaha ng sigarilyo, buy bust money at shabu paraphernalias.
Nakapiit na ang 4 na suspek sa detention cell ng pulisya at nakatakdang sampahan ng kasong paglabag sa RA9165 section 5 & 11article ll. ELMA MORALES