UMAKYAT na sa apat ang bilang ng nasawi habang 25 ang sugatan sa naganap na aksidente sa northbound lane ng Katipunan Avenue Flyover sa Quezon City nitong Huwebes ng gabi.
Sa inisyal na ulat, nawalan ng kontrol sa preno ang truck dahilan upang araruhin nito ang iba pang mga sasakyan.
Base sa isinagawang imbestigasyon ng Quezon City Traffic Sector 3, mayroong 16 motorsiklo, limang four-wheeled vehicles, isang bus, at isang truck ang sangkot sa insidente na naganap bandang alas-6 ng gabi.
Habang ang driver ng nasabing truck ay mabilis na tumakas matapos ang insidente.
Patuloy naman ang isinasagawang imbestigasyon ng mga awtoridad sa naturang insidente.
EVELYN GARCIA
