BATAAN -ARESTADO sa isinagawang operasyon ng mga awtoridad ang apat katao na nagbebenta ng tone-tonelada ng molasses sa bahagi ng Roman Highway sakop ng Brgy, Mabatangbayan ng Abucay.
Sa report na nakarating sa tanggapan ni PNP Regional Director BGen.Jose S Hidalgo Jr. kinilala ang mga nadakip na sina Frnklin Cañete Y Patrata, driver ng Magalang Pampanga; Jhun Miguel Y Salazar,helper ; Jimmy Carag Y Mariano, driver kapwa ng Cauayan City Isabela at Joel Austria Y Elvambuena ng Abucay habang nakatakas ang kasamahan nito na si alyas Freddie Batilo.
Ayon ulat, lulan ng 10 wheeler truck ang 19 tonelada ng molasses na nagkakahalaga ng P335,000.00 ang naipuslit habang narekober ng mga pulis ang isang 12-Wheeler truck na wala nang laman na pinaniniwalang kasabwat ng mga suspek.
Samantala kasong Qualified Theft at Anti-Fencing Law ang isasampang kaso laban sa mga suspek. THONY ARCENAL