APAT katao ang nahuli ng Pasay City Police sa akto ng pagdukot sa isang Chinese businesswoman sa kahabaan ng Barangay 6 Roxas Boulevard sa Pasay City, kahapon ng umaga.
Ayon report ng Pasay City Police Substation 1, nagsasagawa sila ng patrolya dakong alas-7:30 ng umaga nang maaktuhan ang nagaganap na komosyon habang pilit na isinasakay sa sasakyan ng apat na suspek ang biktimang Chinese businesswoman, 45-anyos, habang lulan ng kanyang BMW Sedan.
Kinilala naman ang mga suspek na sina alias Joe, 43-anyos, alias Jhing, 27-anyos, alias John, 25, at alias Arn-arn, 47.
Nabawi ng mga awtoridad ang sasakyang ginamit ng mga suspek na black Land Cruiser Prado, isang revolver na paltik, limang buhay na bala ng kalibre .38, tatlong plastic sacket nghinihinalang shabu, isang alumminom foil,dalawang kutsilyo, tatlongf handheld radio, duck tape at martilyo.
Kasalukuyang namang nagsasagawa ng follow-up operation ang mga awtoridad para sa pag-aresto sa iba pang mga suspek kasabay ng alamin kung sino ang nasa likod sa tangkang pagdukot sa nasabing negosyante.
EVELYN GARCIA