KALINGA- NASAKOTE ang apat na tulak kasabay ng pagkakasamsam ng marijuana bricks na nagkakahalaga ng P5 milyon sa checkpoint sa Sitio Dinakan, Barangay Dangoy, Lubuagan sa lalawigang ito.
Sa pahayag ni Capt. Ruff Manganip, Kalinga police spokesperson, ang mga suspek na sina Jerome Dizon Postor, 24-anyos; Randell Mark Pancho Limuco, 22-anyos at Zand Mark Johnsen Edulon de Castro, 21-anyos, mga residente ng Guiguinto, Bulacan at si Judelyn Tomas Santos, 20-anyos ng Baliuag, Bulacan.
Nasabat ng pulisya ang nagmamadaling puting Hyundai Stargazer SUV na may conduction sticker na K2X501 na sa halip na mag menor sa checkpoint ay mas pinabilis pa nito ang takbo dahilan upang mabangga nito ang signage ng checkpoint.
Nang siyasatin ang naturang sasakyan, dito na natuklasan ang marijuana na itinago sa backseat.
Dinala na sa Lubuagan police station ang mga suspek para sa paghahain ng kaukulang kaso.
EVELYN GARCIA
Related posts:
CHECKPOINT NG PULISYA HINIGPITAN
CHECKPOINT SA MAGUINDANAO PINASABOG
UMIWAS SA CHECKPOINT NABARIL
P600-M SHABU NASABAT SA CHECKPOINT
NATIONWIDE CHECKPOINT AT QUARANTINE OPERATION VS ASF
DA REGION 2 MULING NAGLATAG NG CHECKPOINT VS ASF
(ECQ Checkpoint binangga ng truck) KAGAWAD, 2 HEALTH WORKERS NAPURUHAN
(Maghahatid ng relief goods sa mga “kasama”) 6 ANAKPAWIS MEMBERS NASABAT SA CHECKPOINT