MAGUINDANAO – MAGKAKASUNOD na napatay ang apat na sibilyan na sinasabing lulan ng multicab makaraang ratratin ng mga armadong lalaki sa bahagi ng Brgy. Tulunan, bayan ng Datu Anggal Midtimbang ng lalawigan ito noong Sabado ng hapon.
Kinilala ang mga biktima na sina Heredin Kanakan ng Brgy. Sta Cruz, Koronadal City; Heredin Kamidon Kanakan ng Almonte Street, Cotabato City; Fatima Manampen Usman ng Muntinlupa City at isang hindi pa tukoy ang pagkakakilanlan.
Sa inisyal na ulat ng Maguindanao Provincial Police, magkakasama sa puting multicab ang mga biktima nang ratratin ng mga hindi kilalang lalaki sa national highway sa nasabing barangay.
Narekober sa crime scene ang iba’t ibang basyo ng cal. 5.56 pistol at cal. 45 pistol habang nasamssm naman sa mga biktima ang 3 plastic sachets na 6 gramo na shabu.
Blangko naman ang pulisya sa motibo ng gunmen habang wala naman makapagbigay ng detalye mula sa mga residente ng nasabing lugar. MHAR BASCO
Comments are closed.