DAVAO DEL NORTE – MAHIGIT 40 pamilya ang nawalan ng tirahan ng lamunin ng apoy ang 31 kabahayan sa Tagum City sa ulat ng pulisya at Bureau of Fire Protection
Sa ulat, natupok ang may 31 bahay sa Purok 8B, Curvada, Barangay Magdum sa nabanggit na lungsod kamakalawa ng gabi.
Ayon kay FO2 Rommel Valencia, arson investigator kinailangan pang pagdugtung-dugtungin ang mga fire hose para marating nila ang area na na-susunog.
Nabatid pa sa Tagum City BFR na tumagal ng halos dalawang oras ang ginawang pag-apula sa apoy ng mga pamatay sunog bunsod ng mga eskinitang kailangan lusutan.
Lumitaw na nagmula ang apoy sa napabayaang kalan mula sa isa sa mga natupok na bahay.
Ayon sa BFR, Walang naitalang nasaktan sa nasabing sunog na tinatayang nasa P1.5 milyon ang halaga ng mga natupok na ari-arian. VERLIN RUIZ
Related posts:
1,000 KABAHAYAN NASUNOG, LIBONG PAMILYA APEKTADO
KARAOKE BAR NASUNOG
USOK DINEDMA, BAHAY NASUSUNOG NA PALA
150 BAHAY TUPOK, BEBOT NAMBATO NG BOMBERO KALABOSO
LOLO NALANGO, BAHAY NAABO
BABAE HUMAHALAKHAK HABANG NA-SUSUNOG ANG BAHAY
(Kawad ng koryente pumutok, motor sumabog) 24 BAHAY NILAMON NG APOY
40 BAHAY NAABO, LOLA SUGATAN SA 2-ORAS NA SUNOG