400 PATIENTS WITH DISABILITIES, PASASAYAHIN NG ROTARY CLUB OF ST. IGNATIUS

INAASAHANG magdudulot ng kaligayahan ang inihahandang Carnival Themed Childrens party ng Rotary Club of St. Ignatius para sa mga batang patient with disabilities ng Barangay Commonwealth, Quezon City.

Bilang pagdiriwang ng ikasampung ani­bersaryo ng pagkakatatag ng Rotary Club of St. Ignatius District 3780, hahandugan ng kanilang pamunuan ang may 400 PWDs na may edad 6 hanggang 13 tatlong gulang, ng isang espesyal na kasayahan sa darating na Pebrero 25, 2020.

Sa pahayag ni Moryula Geru M. Oliveros, President-Elect ng Rotary Club of St. Ignatius, isa sa mga pangunahing mithiin ng isang Rotarian ang matibay na pamamahagi ng paggawa ng kabutihan at pag-unawa sa kanilang komunidad.

“Kabilang na dito ang pagtuklas ng ibang pamamaraan upang mapalawig ang pinakamabu­ting maidudulot sa mamamayan alinsunod sa diwa ng Rotary service. Kaya para sa selebrasyon ng aming 10th Founding Anniversary, karapat-dapat lamang na ang mga batang patient with disabilities ang mabigyang saya sa araw na iyon,” paliwanag ni Oliveros na overall chairman ng nasabing event.

May temang “A decade of Love and Service”, magsisimula ang Carnival Children’s party alas-9 ng umaga sa MRB Sports Complex, Brgy. Commonwealth. Makakatuwang ni Oliveros si Rotary of St. Ignatius Champion of Service President (CSP) Jerome D. Oliveros para pangunahan ang espesyal na pagdiriwang ng kanilang isang dekadang anibersaryo.

Ibang karanasan aniya ito para sa mga batang PWDs na sanhi ng ibat ibang kadahilanan, hindi naipapasyal sa mga sikat na theme park gaya ng Enchanted Kingdom.

“Kaya kami na ang lumapit sa kanila para maranasan ng mga bata ang ganitong experience. Tiyak na matutuwa sila dahil para sila talagang nasa Carnival na may Train ride, mayroon din malaking inflatable slides, clowns, game booths, balloon twisting, jugglers, magic show. Bukod sa buffet lunch, mayroon din silang cotton candy, ice cream at popcorn na makakain habang nagpa-party,” dagdag pa ng President-Elect.

Pangunahing sponsor ng gaganaping Carnival Childrens Party ang Prime Care Kaagapay Life Plan Inc. (PCKLPI) kung saan nanunungkulan din si Moryula bilang President at Chairman of the Board.

“PCKLPIs mission is to provide a fulfilment of love by giving dignified and honourable service to our clients by creating an atmosphere of security through our cost-effective pre-need and funeral services as we serve with excellence, integrity, team collaboration, commitment and compassion,” pag-tatapos ni Oliveros.