4,014 VACANCIES SA PNP PUPUNAN MULA SA 2018 LATERAL ENTRY PROGRAM

CAMP CRAME – PINOPROSESO na ng Directorate for Personnel and Records Management (DPRM) katuwang ang Na­tional Police Commission ang pagpili ng personnel na sumailalim sa 2018 Lateral Entry Program para punan ang kailangang line officers na 4,014.

Ang mga kandidato ay manggagaling sa 7,205 Police Non-Commissioned Offi­cers na qualified bilang re­gistered criminologists na may ranggong PO3 hanggang SPO4 na active duty at kumuha ng Written Competitive Examination noong September 23, 2018 sa iba’t ibang examination centers sa Luzon, Visayas, Mindanao at Metro Manila.

Noong Setyembre 26, ang DPRM, sa ilalim ni Police Director Lyndon Cubos, ay nagkaroon ng public ope­ning  para sa examination kits kung saan ang answer sheets ay isusumite sa NAPOLCOM  para siyasatin.

Ang sinumang mapipiling kandidato ay itatalaga bilang Police Inspector na magiging epektibo sa March 4, 2019.

Tiniyak naman ni PNP Chief, Dir. Gen. Oscar Albayalde na susunod sila sa pro­seso sa pagkuha ng mga bagong line officer habang nanindigan na may karagdagang safeguard sa pagpili upang matiyak ang transparency and integrity sa recruitment and selection upang maiwasan ang pagkakamaali sa pagtatalaga at hindi mabahiran ng impluwensiya, favoritist, fraud at corruption.

Habang gagamitin din ang fool-proof system para makompleto ang background investigation, and mandatory requirements para sa neuro-psychiatrict evaluation and drug testing  upang ma-screen nang mabuti ang lahat ng PNP applicants.

“We are reinforcing our recruitment and selection process to ­enable us to effectively cope with the projected 2019 annual recruitment program for 10,000 police recruits. My advice to fresh graduates who are aspiring for a career in the police service to start working on their basic documentary requirements and preparations as early as now, to allow sufficient lead time for the recruitment process,” ani Albayalde.  EUNICE C.