40K LAPTOPS PARA SA TEACHERS

laptop

MAIHAHATID na ng Department of Education ang 40,000 laptops sa mga guro,  paaralan at field offices para maga­mit ngayong  ika­lawang taon na ang  distance learning.

Tiniyak ni Education Secretary Leonor Brio­nes na malaki ang maitutulong ng mga laptop habang patuloy na ipinatutupad ang  Basic Education-Learning Continuity Plan ganoon din ang pagbibigay ng  technical support  sa field offices sa buong bansa.

Sinabi naman ni Education Undersecretary Alain Pascua na res­ponsibilidad  pa rin ng gobyerno  na bigyan ng   laptops ang  public school teachers, na karamihan ay gumagamit ng kanilang sariling  devices  sa pagtuturo sa  distance lear­ning.

“Our direction is to provide laptops for each teacher and our DepEd offices,”dagdag ni  Pascua.

Binili ang  laptops sa pamamagitan ng Department of Budget and Management-Procurement Service na ang pondo ay galing sa  Bayanihan to Recover As One Act (Bayanihan 2).

Matatandaang lumabas sa isang  pag-aaral ng National Research Council of the Philippines  na  nakararaming bilang ng mga guro ang gumagamit ng sarili nilang pera para sa gadgets at internet sa nakaraang school year.

Noong Mayo ay inianunsiyo na naglaan ng   P2.4 billion ang DepEd mula sa  Baya­nihan 2 upang bumili ng  laptops para sa  68,500 personnel.

Leave a Reply

Your email address will not be published. Required fields are marked *