($429 million noong Mayo) FDI NET INFLOWS BUMABA

NASA $429 million na net inflows ng foreign direct investments (FDI) ang naitala sa bansa noong Mayo, mas mababa ng 25.4 percent kumpara sa kaparehong panahon noong nakaraang taon, ayon sa Bangko Sentral ng Pilipinas (BSP).

Sa kabila nito, ang total cumulative FDI level ay mas mataas pa rin ng 37.8 percent sa $3.5 billion para sa January-May period, kumpara sa $2.5 billion sa kahalintulad na panahon noong nakaraang taon.

Noong Abril ay nakapagtala ang bansa ng $679 million na FDI net inflows.

Paliwanag ng central bank, ang pagbaba ng FDI noong Mayo 2021 ay dahil sa pagkabahala ng mga investor sa dumaraming kaso ng mga bagong variant ng COVID-19 sa buong mundo.

Para sa buong 2020, ang FDI net inflows ay pumalo sa  $6.5 billion, mas mababa ng 24.6 percent kumpara sa $8.7 billion noong 2019.

Kumpiyansa naman si BSP Gov. Benjamin Diokno na makababawi ang FDIs ngayong taon.

Related posts:

(Noong Nobyembre) FDI NET INFLOWS PUMALO SA $1.1-B FDI NET INFLOWS TUMAAS, $746-M SA PEBRERO FACTORY, LABOR SECTOR MATATAG SA KABILA NG KRISIS SA COVID-2019 55 COVID-RELATED PRODUCT MAKERS INTERESADONG MAG-INVEST SA PINAS FOREIGN DIRECT INVESTMENTS BUMULUSOK DAHIL SA BANTA NG COVID-19 FDI INFLOWS BUMAWI, TUMAAS NG 42.4% NOONG MAYO $481-M FDI PUMASOK SA PINAS NOONG HUNYO VIRTUAL BANKING ACT SUPORTADO NG BSP