4K VACCINES NAWAWALA

UMAABOT sa 4K vaccines kontra COVID-19 na naibigay ng national government sa lokal na pamahalaan ng Imus sa Cavite ang sinasabing nawawala matapos magsagawa ng imbentaryo ang Center of Health Development ng Regional Department of Health A4 noong nakalipas na Agosto 19, 2021.

Base sa report ng Center of Health Development na ang 4K vaccine na may discrepancies sa ending inventory ay ang Sinovac na may 10,639 doses habang ang AztraZeneca vaccine ay may 7,520 doses; Moderna naman ay 11, 606 doses at ang Pfizer ay 10, 560 doses.

Sa isinagawang inventory count ng Pharmacist II na naipaabot sa National Immunization Program Officer ay nawawala ang 4K vaccines kung saan inabisuhan na ang Imus City Health Officer at pharmacist on duty noong Agosto 18, 2021.

Samantala, bumuo na rin ng investigation team si Imus City Mayor Emmanuel Maliksi upang matukoy ang nasa likod ng pagkawala ng 4K vaccines kontra COVID-19 kung saan sinasabing naipasa na sa mga negosyante.

Base sa talaan ng Cavite Vaccination Program, nangunguna ang Imus City pinakamaraming nabakubahan kung saan ibinilang na ang mga dayuhan na nakatanggap din ng COVID-19 vaccine.

Kasalukuyan, gumugulong na ang malawakang imbestigasyon sa pakikipagtulungan ng National Bureau of Investigation (NBI)-Cavite at iba pang lokal na ahensiya ng pamahalaan. MHAR BASCO