DAHIL sa patuloy na pagtaas ng inflation rate, isinusulong ng Department of Social Welfare and Development (DSWD) ang pagsasaayos sa cash grant na ibinibigay sa mga benepisyaryo ng Pantawid Pamilyang Pilipino Program (4Ps).
Sinabi ni DSWD Assistant Secretary for Disaster Response Management Group Irene Dumlao na kinikilala nila ang pangangailangang ayusin ang 4Ps cash aid.
Ang DSWD ay nakikipagtulungan sa National Economic and Development Authority (NEDA) at Philippine Statistics Authority (PSA) sa pagsusumikap na makahanap ng pinakamahusay na index na gagamitin para sa awtomatikong pagsasaayos ng mga benepisyo.
“Nais kong ulitin ang sinabi ni DSWD Secretary Rex Gatchalian na ang pagsasaayos ng cash grants ng mga benepisyaryo ng 4Ps ay hindi lamang napapanahon kundi pinapanatili din nito ang halaga ng mga grant ” dagdag nito.
Ayon kay Dumlao, mahalagang makipagtulungan ang DSWD sa NEDA at PSA para makabuo ng tamang halaga para matiyak na ang 4Ps grants ay makakapagpagaan sa epekto ng inflation o pagtaas ng mga bilihin.
Related posts:
INFLATION NA 2.8% PINAKAMABABA KAY PBBM
(Unemployment pinakamababa sa 2 dekada) LABOR MARKET SA PH MATATAG
2ND TRANCHE NG CASH AID TARGET MAIPAMAHAGI NGAYONG LINGGO
(Sa halip na anim na buwan) CASH AID SA SENIORS KADA 3 BUWAN
P106-B CASH AID SA 4.3M PAMILYA SA ILALIM NG 4Ps SA 2021
CARITAS MANILA MAGKAKALOOB NG P1-M CASH AID PARA SA MGA MASASALANTA NG BAGYONG ROLLY
HIGIT 40% CASH AID NAIPAMUDMOD NA SA NCR
DOLE NAMAHAGI NG BIKE AT CASH AID