NUEVA ECIJA- ARESTADO ang lima katao sa ikinasang buy bust operation ng mga tauhan ng Philippine Drug Enforcement Agency sa isang drug den sa Brgy, Magpapalayok sa bayan ng San Leonardo sa lalawigang ito.
Sa report na tinanggap ni PRO3 Regional Director BGen Jose Hidalgo Jr., kinilala ang mga suspek na sina Roy Oyan y Arseo, 35-anyos; Roger Velasquez y Macalinao, 58-anyos; Gemma Mingala y Gallego , 48-anyos; John Merick Reyes y Soliman, 26-anyos at Ian Dela Cruz y Mendoza , 26-anyos, parang residente sa nabangit na lugar.
Base sa paunang imbestigasyon ng mga awtoridad, ganap na alas-6:40 ng gabi nang isagawa ang buy bust.
Nakuha mula sa mga suspek ang 9 plastic sachets ng shabu na tumitimbang ng 15 gramo at nagkakahalaga ng P103K at buy-bust money.
Samantala, detenido ngayon ang mga suspek sa kasong paglabag sa RA9165 na Comprehensive Dangerous Drugs Act of 2002.
THONY ARCENAL
