MALABON CITY – LIMA lalaki kabilang ang dalawang menor na dumalo sa tradisyunal na Simbang Gabi ang arestado matapos makipag-rambulan sa loob ng compound ng Simbahan sa lungsod na ito kahapon ng madaling araw.
Kinilala ni Malabon police chief Senior Supt. Jessie Tamayao ang mga nadakip na sina alyas Dave, 18, ng Gov. Pascual, alyas Sonny, alyas Dixie, 18, at dalawang 16-anyos na naaresto ng mga rumespondeng pulis matapos pagtulungan bugbugin ang tatlong kapwa menor sa loob ng compound ng San Bartolome Church in Brgy. San Agustin alas-4 ng madaling araw.
“Parang nagkatinginan lang ang dalawang grupo matapos silang dumalo sa Simbang Gabi hanggang magka-rambulan na,” pahayag ni Tamayao.
Agad namang rumesponde ang mga pulis na nakabantay malapit sa simbahan at inaresto ang mga suspek na nagpahayag na dinepensahan lamang nila ang kanilang sarili matapos silang sugurin ng ibang grupo.
Nahaharap sa kasong physical injury ang mga suspek habang ang dalawang menor de edad ay tinurn-over sa local Social Welfare Department para sa proper disposition. EVELYN GARCIA
Comments are closed.