QUEZON CITY – LIMANG hinihinalang drug personalities ang inaresto sa buy bust operation sa Joan of Arch, Luisita Street, Brgy. Gulod sa Novaliches.
Ang mga inaresto ay nakilalang sina Jeffrey del Puerto, Andrei Joshua Maneze, Rennel Castillo, Marlon Madrio at Jerry Ocay.
Nakumpiska ng mga tauhan ng Police Station 4 ng Quezon City Police District (QCPD) Station Drug Enforcement Unit ang limang plastic sachets ng hinihinalang shabu.
Nabawi rin ang P500 at P10,000 marked money na ginamit na pambili ng shabu sa mga suspek.
Aabot sa 7 gramo ng shabu ang nakumpiska ng mga pulis sa mga suspek na may street value na P47,600. PAULA ANTOLIN
