LIMANG entries ang hinirang na kampeon sa katatapos lamang na World Slasher Cup 9-Cock Invitational Derby na ginanap sa Smart Araneta Coliseum Miyerkoles ng gabi.
Kampeon sa prestihiyosong derby sina Neil Figueroa (Cali Dreamers Lagitik), Jonjon Alegre (Jonah), Patrick Antonio (SFVM Sagupaan King Cutter), Justin and Jeremy Berin (Mulawin 1), at Nene Araneta (Thunderbird II) matapos makaiskor ng tig-walong panalo at isang talo sa pagtatapos ng grand finals ng nasabing torneo.
Solo runner-up naman ang entry na BGC/DS Antipolo matapos magkamit ng pitong panalo, isang talo at isang tabla.
Samantala, tatlong entries naman ang nakapuntos ng tig-pitong panalo at isang talo sa pagtatapos ng laban. Ang mga ito ay ang Bulldog entry ni Antonio Celedio Jr., Sovereign Escort 2 ni Albert Dichavez), at Cali Dreamers Philibillies ni Danny Lim.
Mayroon namang tig-anim na panalo, dalawang talo at isang tabla ang EDL Excellence entry ni Ayong Lorenzo at ang combined entry nina Jeff Hapon at Wilfredo Aga (Onsen Resort), habang may tig-limang panalo, tatlong talo at isang tabla sina Fer Meneses at Teddy Tumang, Sheila Adajar, Pros Antonio/William, Felix Sta. Maria, at Jonarie Fortaleza at Robert Santiago.
DADI TSIKEN