LIMANG kalalakihan ang nilalapatan pa rin ng lunas sa pagamutan matapos na mahulog ang sinasakyan nilang truck na may kargang isda sa tulay sa Barangay Manicahan, Zamboanga City.
Sa ulat ng Zamboanga City Police Office, itinakbo sa pagamutan ang mga biktimang sina Ernesto Amante, Elvin Amante, Bonifacio Ranulo, Jovani Gamboa at isa pang hindi agad nakuha ang pangalan.
Sa imbestigasyon, Biyernes ng madaling araw habang tinatahak ng truck na may lulang isda ang kahabaan ng national road papuntang bayan ng Imelda sa Zamboanga Sibugay nang biglang mawalan ng control ang sasakyang minamaneho ni Ernesto hanggang mahulog sa tulay at tumaob sa tabi ng isang bahay.
Ayon sa kapatid ng drayber na si Erwin, patungo sila sa bayan ng Imelda sa Zamboanga Sibugay kung saan ang trak ay pag-aari ni Bonifacio Ranulo, isa sa mga sugatan, nang mangyari ang insidente. VERLIN RUIZ
Comments are closed.