NAVOTAS CITY – INARESTO ang lima katao na pawang hinihinalang sangkot sa ilegal na droga ang sa isinagawang buy bust opera-tion ng mga pulis sa lungsod na ito kahapon ng umaga.
Sa report ng mga operatiba na isinumite sa tanggapan ni Navotas police chief P/Col. Rolando Balasabas, ang mga naarestong suspek na sina Michael Unay, 29, Jericho Esguerra, 20, Jayson Javier, 29, Renante Rotero, 24 at Joseph Centelleses, 21.
Sa ulat, alas-9 ng umaga nang ikasa ng mga operatiba ng Station Drug Enforcement Unit sa pangunguna ni PLT Eric Roxas ang buy bust operation kontra sa mga suspek sa B. Cruz St. Brgy. Tangos North sa koordinasyon sa PDEA CAMANAVA.
Matapos iabot ng mga suspek ang isang sachet ng shabu kay PCpl. Globert Batara na nagpanggap na buyer kapalit ng P300 marked money, agad lumusob ang back-up na mga operatiba at sinunggaban ang mga ito.
Narekober sa mga suspek ang anim na plastic sachet ng hinihinalang shabu at buy bust money. EVELYN GARCIA
Comments are closed.