PAMPANGA- NASAKOTE ng mga tauhan ng Philippine Drug Enforcement Agency (PDEA) at Pampanga Provincial Police Office ang lima katao na nasa loob ng isang drug den sa Brgy. Sapang Biabas sa lungsod ng Mabalacat.
Sa report na tinanggap ni PNP Regional Director BGen. Jose Hidalgo Jr. nakilala ang mga suspek na sina Jerico Velasco y Medina, 27-anyos; Ignacio Canlas Y Baron, 45-anyos; Ron-ron Bernal Y Canlas, 19-anyos ng Brgy. Sapang Biabas; Arnie Miranda y Lopez, 35-anyos at Reymart Bernal y Tagaytagan, 18- anyos, pawang residente ng 74th St., Mawaque resettlement, Mabalacat City.
Base sa paunang imbestigasyon ng mga pulis ganap na alas-5:55 ng hapon ng madakip ang mga suspek
Nakumpiska sa mga suspek ang 5 plastic sachets na naglalaman ng 13 gramo ng shabu na nagkakahalahaga ng P84,400.00 assorted sniffing paraphernalias at marked money .
Samantala, detenido ngayon ang mga suspek sa kasong paglabag sa Republic Act 9165.
THONY ARCENAL
