DUMATING na sa bansa ang huling batch ng limang S70i Sikorsky Black Hawk Helicopter na binili ng pamahalaan para sa Philippine Air Force.
Ayon kay Air Force Spokesperon Lt./Col. Maynard Mariano, lumapag ang Antonov transport plane lulan ang mga bagong Helicopter sa Clark Airbase sa Pampanga kahapon galing ng Poland.
Mula sa kabuuang 16 na biniling Black Hawk fleet ng Air Force, 6 dito ang naideliver noong Nobyembre ng isang taon habang nitong Oktubre 13 naman napasakamay ang ikalawang batch.
Ani Marianno, gagamitin ang mga bagong Helicopters para sa pagpapalakas ng kapabilidad ng AFP partikular na sa Humanitarian Assistance, Disaster Response.
Kabilang din ang paghahatid ng mga bakuna kontra COVID-19 sa mga liblib na lugar. DWIZ 882