ILOILO CITY- MATAGUMPAY na nasakote ang limang suspek na hinihinalang mga tulak matapos na magsagawa ng buy bust operation ng Iloilo City Drug Enforcement Unit sa Brgy. Boulevard, Molo sa lalawigan ito.
Batay sa report, ang mga nasakote ay nakilalang sina Al-June Mateo, 32-anyos; John Rey Bataquin, 37-anyos at Isaias Dela Cruz, 33-anyos na pawang naninirahan sa Brgy. West Habog-Habog, Molo samantalang sina Geo Canlas, 29-anyos, residente ng Brgy. San Juan, Molo at Glen Paul Saul, 27-anyos, residente ng San Pedro Laguna at pansamantalang naninirahan sa Zone 2 Brgy. San Juan, Molo.
Nakumpiska sa mga suspek ang 150 gramo ng hinihinalang shabu na nagkakahalaga ng P1,020,000.
Ayon sa pulisya, sina Mateo, Bataquin at Canlas ay kasama sa talaan bilang High Value Individual (HVI) samantalang sina Saul at Dela Cruz naman ay kasama sa listahan ng mga tinaguriang Street Level.
Kasong paglabag sa Republic Act 9165 ang kakaharapin ng mga suspek. EVELYN GARCIA