ZAMBALES- MULING naghatid ng tulong ang mga kuya at ate sa komunidad ng mga katutubong Aeta sa liblib na lugar ng Brgy. Mapanuepe sa bayan ng San Marcelino sa lalawigang ito.
Pinangunahan ng mga Kuya at Ate ng Malasakit Unang Republika Eagles Club na pinamumunuan ni Kuya President F/Maj.Rod Marquez ang pagbibigay ng 500 pares ng tsinelas sa mga kabataang Aetas sa nabangit na lugar.
Nito lamang Sabado at Linggo, isinagawa ang pamamahagi ng tsinelas na pinangasiwaan ni Membeship Chair Kuya Jie, Kuya Jun at Kuya Cairo ,Kuya Manny Kuya Lloyd at Ate Sheng, katuwang ang mga Eagle Aspirant.
Pila-pila ang mga batang Aetas na gustong magkaroon ng sapin sa paa na malaking tulong sa kanilang paglalakad dahil hindi na mapapaso ng init ng lahar na kanilang dinadaanan.
Bakas sa mukha ng mga batang aetas, ang kanilang kasiyahan dahil bago na ang kanilang tsinelas sapin na paa. THONY ARCENAL