BULACAN – Nasa 500 miyembro ng Kadamay o Kalipunan ng Damayang Mahihirap at pro-government group ang binigyan ng entry pass ng National Housing Authority (NHA).
Bunsod ito ng pakikipag-ugnayan ni Pandi Mayor Enrico Roque sa naturang ahensiya ng Pabahay.
Ang nasabing entry pass ay pagpapatunay na ang kanilang inakupahang bahay na ilang taon na ang nakalilipas ay kanila nang pag-aari.
Ayon naman kay Engineer Ramon Paragas ng NHA-Bulacan, ang entry pass na ipagkakaloob ay pagsisimula ng proseso sa katuparan ng pangarap bilang may-ari ng mga bahay kasama na rito ang permit na magkaroon ng ilaw at tubig.
Kasabay nito ay ipinaalala ng alkalde sa mga miyembro ng Kadamay at sa mga pro-government group na magparehistro na bilang mga residente ng Pandi. THONY ARCENAL
Comments are closed.