KABUUANG 5,234 pulis ang idineploy ng Philippine National Police (PNP) para umalalay sa mga biktima ng pananalasa ng Bagyong Enteng na nakaapekto sa 26 lalawigan at sa Metro Manila.
Karamihan sa naapektuhan ay sa Rizal, Bicol region dahil sa pagbaha at landslides habang mayroon dalawa ang nasawi sa landslides sa Cebu.
Sa press briefing kahapon sa Camp Crame, sinabi ni PNP Public Information Office Chief and Spokesperson Col. Jean Fajardo na nitong alas-8 ng gabi,Setyembre 1, batay sa utos ng National Disaster Risk Reduction Management Council ay pinagana na ang 11 response cluster kasama ang law enforcement agency cluster kung saan ang PNP ang mangunguna.
Aniya, kasama sa law enforcement agencies cluster ang Armed forces of the Philippines, Philippine Coast Guard, National Bureau of Investigation at iba pang ahensiya ng pamahalaan sa ilalim ng Department of Interior and Local Government (DILG).
Batay naman sa direktiba ni PNP Chief Gen. Rommel Francisco Maribil, inatasan nito ang mga regional directors na i-activate na ang Regional Disaster Incident Management Task Group upang matiyak na masusundan ang management protocol sa pagtugon sa disaster response.
EUNICE CELARIO
Related posts:
BAGSIK NI ENTENG (BARGE SUMADSAD SA DALAMPASIGAN)
NDRRMC: 2 PATAY, 10 SUGATAN DULOT NI ENTENG
P1.7-M POLICE AND OFFICE EQUIPMENT NATANGGAP NG PNP
130 PATROL VEHICLES DONASYON NG KOREA SA PNP
NATIONWIDE RESHUFFLE SA PNP; PIO CHIEF PINALITAN
PNP TINIYAK NA PATAS SA PAGPAPATUPAD NG BATAS VS NARCOLIST NG PDEA
2 OPISYAL NG TAGUIG-PNP SIBAK
POLICE COLONEL AT 3 PA SIBAK SA KOTONG