575 MAGSASAKA SA SOUTHERN LEYTE, LANDOWNERS NA

MAY 575 mga magsasaka sa Hinunangan, Southern Leyte ang ngayon ay may-ari na ng lupang kanilang sinasaka matapos igawad sa kanila ng Department of Agra­rian Reform (DAR) ang Certificates of landownership award (CLOAs) nitong Hulyo 29, 2021.

Ayon kay DAR Secretary Bro. John Castriciones, na namuno sa pamamahagi ng mga CLOA, ang mga lupaing naipamahagi sa agrarian reform beneficiaries (ARBs) ay mayroong kabuuang sukat na 575 ektarya.

Sinabi ni Brother John na ang mga lupaing iginawad sa mga magsasaka ay inabot ng higit sa 15 taon ang pagproseso. Karamihan sa mga lupa ay may mga isyu sa land coverage na kinasasangkutan ng mga private agricultural lands.

“Ipinagmamalaki kong sabihin na kahit na tumagal nang higit sa isang dekada para makuha ng mga magsasaka ang kanilang lupain, nalutas ng DAR ang mga problemang ito nang mahusay at alinsunod sa batas,” ani Brother John.

“Ako po ay natutuwa sapagkat ngayong hapon na ito ay pinagtagum­payan natin ang matagal na nating problema sa lupa. Ang ibig sabihin, ay naging matagumpay at nagwagi ang pakikipaglaban ng DAR kasama ang ating mga mag-uuma,” dagdag ni Brother John.

“Tandaan po ninyo, hindi diyan nagtatapos ang tulong ng DAR. Kami po gagawin namin ang aming makakaya upang paunlarin ang inyong lupa,” aniya sa mga magsasaka.

Ang magsasakang si Editha Comeling at asawang si Frank, mula sa barangay Sto. Nino sa Hinunganan ay labis na natuwa sa pagtanggap ng pinakahihintay nilang CLOA na inihatid ni Brother John sa kanilang tahanan.

“Natupad din ang pangarap naming mag-asawa! Sa tagal ng pa­nahon, sa amin na ang sakahan! Salamat po Pangulong Duterte at sa inyo, Brother John sa titulong ito,” ani Editha Comeling.

Si Editha at asawa niyang si Frank ay kabilang sa 575 na bagong mga nagmamay-ari ng lupa na ginawaran ng CLOA ni Brother John. Ang karamihan ay tumanggap ng CLOA sa isang seremonya na ginanap sa Bara­ngay Bangcas-A Gymnasium, Hinunganan, Southern Leyte. BENEDICT ABAYGAR, JR.

Related posts:

MAGSASAKA, MANGINGISDA SA 6 REHIYON AAYUDAHAN (Lagda ng Pangulo hinihintay) 1.6 M MAGSASAKA MAKIKINABANG SA CASH ASSISTANCE PRRD AT BONG GO, MAGKASAMANG BUMISITA SA LEYTE PARA MAG-ABOT NG TULONG SA MGA BIKTIMA NI AGATON MAGSASAKA, AGRI WORKERS KABILANG SA MAKABAGONG BAYANI Bong Go extends assistance to displaced workers in Merida, Leyte Bong Go continues efforts to bring medical services closer to communities as Super Health Center breaks ground in Tanauan, Leyte Bong Go assists fire victims in Tacloban City, Leyte BUKO PROCESSING CENTER IBINIGAY NG DAR SA MGA MAGSASAKA