KASUNOD ng deklarasyon ng full alert status ng Philippine-National Police-National Capital Regional Police Office (PNP-NCRPO) para tutukan ang seguridad ng tinatayang 5 milyong Filipino na dadagsa sa may 118 sementeryo at columbarium sa Kalakhang Maynila.
Partikular na pinatutukan ni NCRPO Director, Brig. Gen. Debold Sinas ang Manila North Cemetery na tinatayang aabot sa 2 milyon ang mga bibisita sa kanilang mga namayapang mahal sa buhay simula ngayong umaga hanggang sa Nobyembre 2, 2019.
Ayon sa opisyal, target niyang matiyak na ligtas ang gagawing paggunita ng sambayanang Filipino sa Todos los Santo.
Sa press briefing araw ng Martes, sinabi ni NCRPO chief Brig. Gen. Debold Sinas na walang pa silang natatangap na validated security threat sa Metro Manila.
Subalit ipinag-utos nito na palakasin pa lalo ang intelligence-gathering para mapigilan ang posibleng banta o mga pag-atake sa 118 sementeryo at columbarium sa metropolis.
Nabatid na tinatayaang aabot sa 4,233 pulis ang ide-deploy sa mga sementeryo kabilang ang mga tatao sa Police Assistance Desks (PADs) na aayuda sa mga commuters at motorista. VERLIN RUIZ
Related posts:
ZERO VENDOR SA UNDAS KASADO SA SEMENTERYO
(Mula Oktubre 29 hanggang Nobyembre 4) MGA SEMENTERYO TIYAKING SARADO SA UNDAS-DILG
8 CHINESE, PINOY KULONG SA PAGDUKOT
38K PINOY NAHARANG NG BI SA PAGLABAS SA PHL
REPATS NG 140 PINOY MULA MACAU SA MARSO 11 NA
(Mula sa iba’t ibang bansa) 133 PINOY NAKAREKOBER SA CORONAVIRUS
PINOY ABROAD NA COVID-19 INFECTED ‘DI NA NADAGDAGAN
SEMENTERYO ISANG LINGGONG SARADO
Comments are closed.